--------------------------------------------------------------------------------
تـلاقـيـنـا علـــى الـفـرقا وفــرقـــانـا نستنا مين؟؟؟
وبقى لي شاهد(ن)واحد وهو دمعي وسط عيني
بـيشهد لي على اللي كان واللي صار والبعدين
لأنـــه جـزئي الثـانـي وأنـا مـنـّه وهــو فـيـنــي
يـفهـمّـني دروس الأمـس وأنـا افـهـمّه درسـيـن
بكل اسـبوع أعـيد الشـرح "النسيان في سنيني"
واشـرح درسي الـثاني بـأن الاصل ماهـو طين
وأنّــــا اصــلـنا نـطـفـه وابــونــا آدم الــطـيـنـي
ابـيـّن لـه بـأنّـا الـحيـن صرنا عالأصـل واطـين
انا اوطــا على طيني ولا خــابــت مــوازيــنــي
احاول من خلال الشرح إني امــسـك الـحــبـيلن
اشد بـحبل وارخي بحبل لـــين الوضــع مايزيني
ولكن دمعي الاغبى وانا اشهـد لــه بالــعشـريـن
عجز يفـهم وش المقــصود مـن شـفـرة قـوانـيني
فقلت: الزبدة ياصاحب انــا بكتبها في ســطريـن
وانــت واسـلوبك افهـمها وانـا من شرحي اخليني
"اذا جار الزمن مرة وصار الوضع ماهو زيــن
فــأنسى اصلـك وارحــل ولاتــحاول تــواســيني"
ومر الــوقـت مااحلااااااه وانـا والدمع منفصـلين
رجع لـي الماضي الأعمى ببعــض المـر يسقيني
تذكـرت اللـقا والـجرح وانـا والـدمع مجتـمعــين
وضرب بعـصاته القاضـي وهو الماضي يناديني
فقلت:ارجوك انا جاهز ولـكن شاهدي هو ويـن؟
تعال يا دمع اشــهد لــي على اللي شفته واحميني
فقال الدمع: انـا راحل لأجل اطبّـــق الــدرسـيــن
ولــوّح بالــعلـم دمــعي يقــول للـــعين انـسـيـنـي
انا ما صرت لـك عبد(ن) تـهلينـي على الـخديــن
اروح وارجع على كيـفي وانـت(ي) ما تهـلـينـي
فـهم قصدي غلط ادري وحـط ببــاله الـتخـمــــين
وحس انـه يـسوي الـصح وهو بالعكس يـخـطيني
وبدأ الماضي هو يحكمني وقال السجن يا مسكـين
كـتبت المــاضي بــأيــامي وصار الــحين يحكيني
رســم للــناس كــم رسمــه دوائر وســطها اثــنـيـن
انــا واحد وبــقى المجهول نرمــز لـه بـ "سكيني"
ولوّن نص دائرتي وبقـــى لي النص بــلا تلــويـــن
وحـط بـرســمـتـه نقــطـه بــعـيـده بــس تـعـنـيـني
هي المــلجأ عشــان اهرب من تـجريـحة الـســكــين
وكــيف اوصــلها؟انــا مدري ألا ياليت هي تجيني
حملت النفس وقمت اركض ابي احصل على التأمين
وأمّن نفــسي مــن مــجهول دوم الــدوم حـــاويني
وصلت للنقطة متــفائــل ولــكن فــالي اصــبح شيــن
لقيت النقطة هي جـرح(ن) مضى هو كـان مبليني
وفـجـأة قــام مــجـهـولي وبــاس الـجــرح عـالكـفـيـن
طلع مجـهـولي هو جرح(ن)سـكـنّـي واعتنق ديني
قـعـدت اتــأمــل المـنـظـر وانـا قــدامـي الـجـرحـيــن
وســألت بالضحكه للماضي ..ليه الحـين تشــقيني؟
فـجـاوبـنـي:انــا مــديون وانـــا الحــيــن ارد الــديــن
انــا لـك حـصد بــالأول وانـت الـحــين تـجـنـينـي
وســلامتـــكـــم
الأحد مايو 25, 2008 2:52 am